死肥仔.唔好再俾我听到你话五舍得我啦.真系唔惯.或者你哋个个都赶我走.我会开心好多.我要笑住甘走.我要你哋记住既系无论咩时候都系甘开心既我.要你哋一谂起我就好开心.而且我无走到吖!无论我系边度.我个心都系广州.都系你哋身边!我过年就翻来啦...三个几月咋嘛..眨下眼就过噶啦...你五好真系当我死咗甘啦!我会成日都寄相翻来.成日更新我既日记.会同你哋讲我系嗰边发生既事.你哋都要吖...等我觉得我无同你哋分开.等我觉得我无同你哋脱节.等我觉得一切都系我同你哋一齐经历既....我系嗰边既世界.加埋你哋哩边既世界.就等于一个好大既世界啦...系我哋一齐拥有既世界.五好再甘啦...我知道每次我喊亲你都好无奈.所以你五好整喊我吖...个个都揾你算帐吖!

我一直都觉得自己好不幸.但系E+先发觉.原来自己系好幸运.有几多人.可以有一段甘开心既生活可以拥有甘快乐既回忆?有几多个人.可以识到甘大班好朋友一齐经历甘多?即使五系AS既DANCER.即使无为AS付出过几多.但系AS哩个大家庭既温暖.大家既眼泪.欢笑.汗水.大家既感情.都系我最重要.最五舍得既野.真系希望翻到来之后.一切都五会改变.希望翻到来见到既系个个都进步.个个都开开心心.

成日都系度谂.如果无你.无做做.无翻鼠嗰段日日陪住我既日子.我系米已经崩溃?如果无你哋.无AS.无跳舞.衣家既我.又会系点既样?系AS既日子.系我最开心既日子.亦会系我最珍贵既回忆.识咗你哋之后.我成熟咗.开心咗.经历咗好多从来都无谂过会经历到既野.学识既野更加系数都数五晒.一直谂.到底搞五搞欢送.因为好怕越见得你哋耐.就会越五舍得.好怕欢送.最后剩低既五系欢.而系一个喊到收五到声既自己.但系又发觉同你哋既合照实在太少啦.相.可以记录我哋既回忆.好惊你哋会五记得我.会掉低我哋既回忆.好想可以用尽哩几日.去增加我哋之间既回忆.去记录低一切.包括以前.足够我去到嗰边陪住我过每一日.如果有时光机你话几好.但系无论点.我哋之间发生既一切.我都会带过去嗰边.好好甘保护住.五比时间同距离伤害佢.记住你哋每个人既样.记住你哋既身材.记住你哋把声.记住发生过系你地身上既所有事.记住你哋对我讲既所有说话.好难想象.冇咗你哋我要点样.无你同我嗌交.无做做陪我.无翻鼠锡我.无大头珊.无BIGA仔.无皮蛋.无阿雪.无P仔.无你哋全部人..见五到你哋排舞.陪五到你哋庆功.五可以再睇你哋做苏帮你哋嗌.五可以再同你哋打麻雀食宵夜落BABY....如果可以.真系想守住哩一切回忆边度都五去.乜都五做.真系好多谢你哋带比我既一切一切.

对五住吖...一直想同你讲呢句.发自心底既对五住.一直都明白你为我做既.为我付出既.为我承受既.只系我一直逃避.你话过希望有一日我会觉得你重要过距.其实已经系了.只系角色五同.今次佢揾翻我.我觉得自己已经变咗.连对距既爱情我都可以放低.我真系做到了.由最后既一份爱情里边解脱出来.感觉好似兜咗一个圈甘.佢欠我.我欠你.我唔知点样先可以去弥补.你同我同佢.真系两个好相似既故事.你系米会觉得我同距一样.系一个好五称职既好朋友?仲有十一日.我就走啦.哩几日里边.每次见到你哋讲关于我走又或者五舍得我既说话.我都会喊.好多谢你哋既五舍得.亦都好怕你哋既五舍得.最后.竟然要佢既"舍得"氹翻我笑.佢就系甘.永远都系无意中.做一D最适合.最令我感动既野.或者系我个人太古怪啦.所以一直以来可以了解到我最难了解既野.比到我想要既野比我既人.都只得距.好开心.可以系临走之前.对佢连最后既一D希望都无咗.我五会要爱情啦.心里边最不屑既都系爱情.好多人同我讲或者离开对我来讲系一件好事.但系衣家留系我心里边既全部都系同你哋既一切开心既回忆.